Gasteizko Mintzalagunaren atari berria!!

Gasteizko Mintzalaguna egitasmoaren inguruko informazioa jasotzeko

www.gasteizkomintzalaguna.eus atari berria prest dugu! 

Etxalarko Mintza Praktikarako barnetegia

Etxalarreko mintzapraktika barnetegian asteburuko plan ederra proposatzen dizuegu. Euskal Herriko hainbat herritako mintzalagunak eta berbalagunak ezagutzeaz gain, Bortzirietako herri eder hau  gozatzeko aukera izango dugu. Goazen!!!

• Noiz? apirilaren 22 tik 24ra

• Non? Mokorreko bordan, Etxalar

• Zenbat? 95€

• Izena emateko: 

-etxalarkobarnetegia@gmail.com
-Jone: 618 303 582

[FAMILIA IRTEERA] Salburuko Hezeguneak & Udaberria

Udaberrian, egunaren luzatzeak eguzkiari bere printza goxoak helarazten uzten dizkion momentuan, urmaela berpiztu egiten da. Uretako hegaztiek, murgilak kasu, beren gorteiatze nabarmenei ekiten diote. Tartean, uroilo, ahate eta kopetazuriak  etengabeko joan etorrian ikus ditzakegu, beraien habia flotagarriak garaiz eraikitzeko lanean buru-belarri, behatokietan gauden kuxkuxerooi begi-zeharka begiratzen diguten bitartean. 

Mintzalaguna eta GEUkide izatearen abantailak: Mozkorra Parregarri (Lirika) Principalen deskontuarekin

Mintzalaguna egitasmoan parte hartzeak edota GEU elkarteko kide izateak abantaila ugari dakar eta horietako bat, esaterako, kontzertuak euskaraz prezio ezin hobean disfrutatzeko aukera da.

'MOZKORRA PARREGARRI, Pikupe produkzioak'

• Noiz? APIRILAren 23an, larunbata, 20.30etan

• Non? Principal Antzokian

• Sarrera: 6€ (%50 deskontua eginda), anfiteatroa

Historiako lehen euskal opera da Mozkorra Parregarri. Gaztelaniaz eta euskaraz idatzi zuen opera komiko hori Xabier María de Munibek, Peñafloridako kondeak. 1764an estreinatu zuten. Oraingoan, Bergarako aktoreek, abeslariek eta musikariek lanaren muntaketa berri hau bultzatu dute. Hauxe da argudioa Muniberen biografoen arabera: mozkor zuzendu ezin bati emandako eskarmentua.

[FAMILIA IRTEERA] Txiki-Txef

Umeentzako Pasta Tailerra  

* DATA: martxoaren 12an, larunbata

* IRAUPENA: 10.00etatik 13.30era

* JARDUERA: Garaioneko hezitzaileen eskutik, pasta egiten ikasiko dugu (4 urtetik aurrera)  

Tartean, hamaiketakoa hartuko dugu 

* LEKUA: Forondako ateko lehenengo parkinean (aparkaleku txikia) elkartuko gara goizeko 10.00etan, OZAETAra elkarrekin joateko.

* 10€ ume bakoitzeko  

[DASTATZEA] Ardoa eta txakolina ezagutzen

Aurten ere ardo eta txakolina dastatzea antolatu dugu Mikel Garaizabalekin. Elorrioko enologo eta sommelierrak eskarmentu handia dauka ardoaren  dibulgazioan, 700dik gora dastatze saio edota ikastaro eman ditu munduan osoan zehar.

Oraingoan Gasteiza dator mintzalagunokin edota animatzen den beste edozein euskaldunekin arratsaldea girotu eta gure inguruko ardoak ezagutzeko tekniken berri ematera.

Ardo eta txakolina dastatzea
Mikel Garaizabal enologo eta someelierrarekin
Noiz? Martxoak 15, asteartea, 19:00
Non? Errexala elkarte gastronomikoan (Kutxi 62)

Izena emateko: ncuesta@gasteizkomintzalaguna.eus / 688819118 / 945222153 

Izena emateko azken eguna: MARTXOAK 9, ASTEAZKENA

[FAMILIA IRTEERA] Playmobil erakusketara bisita gidatua

"Click, 7,5 zentimetroko sorkuntzak" erakusketak Playmobil izeneko 14.000tik gora click edo panpinatxo biltzen ditu, azken hogei mendeen historiako une eta inguru desberdinen irudikapenak eskainiz. 

Unibertso erraldoi oso bat, milaka pieza txikiz egina, kasu askotan hartarako sortuak eta eraldatuak. Erakusketa-gunea hainbat bilduma-piezarekin, material historiko, kartel, bideo, argazki, bideojoko eta garai guztietako click-en merkataritza iragarkiekin osatuta dago.

Mintzalaguna eta GEUkide izatearen abantailak: Florido Pensil Neskak Principalen deskontuarekin

Mintzalaguna egitasmoan parte hartzeak edota GEU elkarteko kide izateak abantaila ugari dakar eta horietako bat, esaterako, kontzertuak euskaraz prezio ezin hobean disfrutatzeko aukera da.

'FLORIDO PENSIL NESKAK, Tanttaka teatroa'

• Noiz? MARTXOAren 17an, osteguna, 20.30etan

• Non? Principal Antzokian

• Sarrera: 6€ (%50 deskontua eginda), anfiteatroa

Florido  pensil  neskak lanarekin,  funtsean Florido  Pensilen  ezaugarri izandako dramaturgiaren egitura, erritmoa, tonu ga rratza  eta  umorea  mantenduko  duen  bertsioa  egin  nahi  izan  dugu.  Zalantzarik gabe, euskal antzerkiaren historiako arrakasta handietako bat izan zen hura. 

Aho Bete Hitz 2016, saio gastronomikoak

Euskaraz sukaldatzen ez dakizula? Bai zera! Mintzapraktika saio goxo-gaziak (eta ez gazi-gozoak) proposatzen dizkizuegu Gasteizko Mintzalagunetik. Bi sukaldaritza saio elkarrekin sukaldatu eta afaltzeko; txiki txef saio bat familia giroan gozatzeko Ozaeta herriko Garaion sorgingunean eta ardo eta txakolina dastatzea Mikel Garaizabal enologo eta sommelierraren eskutik.

Sukal + (das)tatu II. saioa
Eskarola entsalada, sagarra, granada eta intxaurrekin & Pizza & Plum-cake
Martxoak 10, osteguna, 19.30
Beheko Sua elkarte gastronomikoan
Izena emateko: zgil@gasteizkomintzalaguna.eus

Mintzalaguna eta GEUkide izatearen abantailak: KEN 7 Principalean deskontuarekin

Mintzalaguna egitasmoan parte hartzeak edota GEU elkarteko kide izateak abantaila ugari dakar eta horietako bat, esaterako, kontzertuak euskaraz prezio ezin hobean disfrutatzeko aukera da.  

  'KEN 7, Phoenicoperus'

• Noiz? martxoaren 4an, ostirala, 20.30ean
  

• Non? Principal Antzokian

• Sarrera: 6 € (%50 deskontua eginda), anfiteatroa

Phoenicoperus Ken Zazpi taldearen zortzigarren diskoa da. Oso identifikatuta sentitzen dira errautsetatik birsortutako Fenix hegaztiarekin, eta horregatik mitoaren grezierazko izena jarri diote seigarren diskoari.

Mintza txotx 2016!

Aurtengo uzta aparta izan dela diote Euskal Herriko sagardogileek. Araban 120.000 litro inguru egin dituzte, erdia sagardoa eta beste erdia muztioa. Gasteizko Mintzalagunetik Arabar sagardoa probatu eta euskal giroan egun osoko plan ederra proposatzen dizuegu.

Aramaioko Iturrieta sagardotegian mintza eta txotx egiteaz gain Elosuko Euskal Buztigintza museoa ezagutu eta poteorako tartea ere izango dugu.

 Mintza txotx 2016

Noiz? Otsailaren 27an, larunbatean
Zer? Euskal Buztingintza Museoan bisita gidatua + Ibarratik poteoa + Iturrieta sagardotegian bazkaria 

[ARGAZKIAK] Familia Irteera: Zalduondo & Inauteriak

Blas Arratibel, Martiniano Martinez de Ordoñana eta Joaquin Jimenez etnografoek, 1936. urtea baino lehen, Zalduondoko inauteriak ospatzen zelako testigantza ugarietan oinarrituta, 1975 urtean Zalduondoko inauteriak berreskuratu zituzten herritarren laguntzaz. Geroztik, Euskal Herriko antzinako inauteri ikusgarrienetakoa bilakatu da...

Larunbatean (otsailak 13), LURDES LEKUONAren eskutik Zalduondo herria ezagutu eta bertako inauterien inguruko historia ezagutzeko aukera izan genuen... Hona argazki batzuk