Kaixo euskaltzale!!
Mintzalaguna egitasmoak zortzi urte
beteko ditu aurten gure hirian. Urterik urte sarea handituz joan da eta
dagoeneko ia 700 lagunek osatzen dute Gasteizko Mintzalaguna.
MINTZALAGUNAren
helburua euskararen normalkuntzan
eragitea da, euskaraz hitz egiteko
ohitura duten lagunak hitz egiteko ohitura ez dutenekin (edo zailtasuna edo
aukera ez dutenekin) elkartuz astean behin ordubetez. Programak hizketarako jarioa lantzea, euskaraz
mintzatzeko motibazioa eta ohitura txertatzea eta harreman sare euskaldunak
ehuntzea du helburu.
Asteroko hitzorduaz gain hilean behin
beste taldeetako mintzalagunak ezagutze aldera ekintza osagarriak antolatzen
ditugu: mendi irteerak, hitzaldiak, umeekin egiteko ekintzak...
Ikasturte berri honetan euskaraz
txukun egiten dutenengana heltzea dugu helburu. Hau da, MINTZALAGUNTZAILE
berriak gureganatzea. Mintzalaguntzailearen zeregina
taldeko eredu izatea da (inolaz ere ez maisu edo irakaslea). Hizkuntza menperatzen
duen heinean taldeari bizitasuna eta
freskotasuna eransten dio.
MINTZALAGUNTZAILE izatera animatu nahi zaitugu, zure
laguntzari esker hiri honetan euskara gehiago erabiltzen eta entzuten lagun
dezakezulako!!!
Interesa izanez gero, idatzi mezu bat ondorengo helbideetara:
Naroa Cuesta naroa@gasteizkomintzalaguna.com