Udaberrian,
egunaren luzatzeak eguzkiari bere printza goxoak helarazten uzten dizkion
momentuan, urmaela berpiztu egiten
da. Uretako hegaztiek, murgilak kasu, beren gorteiatze nabarmenei ekiten diote.
Tartean, uroilo, ahate eta kopetazuriak
etengabeko joan etorrian ikus ditzakegu, beraien habia flotagarriak
garaiz eraikitzeko lanean buru-belarri, behatokietan gauden kuxkuxerooi
begi-zeharka begiratzen diguten bitartean. - Noiz? Apirilaren 10, igandea, goizeko 11.00etan
- Non? Salburua altzairuzko kartelaren ondoan, letretan (Bulevar de Salburua, 17)
- Zer? Salburuko hezeguneetatik & Atarira bisita gidatua
- Zer behar dugu? Arropa erosoa eta prismatikoak (baldin badituzu)
Negua lozorroan
igaro duten animaliak berriz, nagiak
kendu eta lanean hasiko dira buru-belarri eta urmaela “zarataz” beteko digute igelen
koru, txitxi-burduntzien hegaldi, txorien kantu eta intsektuen kirri-kirriek.
Zeinek daki! Zorte pixka batekin eta adi eta isilik bagaude igaraba edo
bisoiren bat ez ote dugu ikusiko!!!
Salburuako
hezegunean dagoen landaredia anitzak
ezkutatzen dituzten zenbait bitxikeria eta sekretu ezagutzeko aukera izango
dugu, lirio loreek eskaintzen diguten paisaia zoragarria ikusten dugun
bitartean.
Eta nola ez!
Gizakiak ingurune baten bilakaeran izan dezakeen eragina neurtzeko parada ezin
hobea izango dugu, ohituta gaudenaren kontrata adibide positibo baten bitartez,
baina... noiz arte?
*EZ AHAZTU URA ETA HAMAIKETAKOA ERAMATEN*
IZENA EMATEKO:
Bidali mezu bat zgil@geuelkartea.eus helbidera honako datuok zehaztuz:
Bidali mezu bat zgil@geuelkartea.eus helbidera honako datuok zehaztuz:
- Izen-abizenak,
- Helbide elektronikoa
- Telefono zenbakia
- Zenbat lagun joango zareten
*Gure konfirmazio mezua jasoko duzu