II. Kakiturriko bertso-kantu afarian primeran
pasatu zutela kontatzen digu Xabi Ricok bidalitako kronikatxo honetan:
"Abenduko afarian hasitako bideari segida
emanez, Gasteizko Mintzalagunak antolaturik, urtarrilaren 31an berriro bildu
ginen afari baten inguruan hainbat mintzalagun, bertso-kantuzale eta bestelako
euskaldunak Ehariko Kakiturri elkartean. 23 lagun oraingoan. Arlo
gastronomikoaz Beitto Martinez –sukaldean- eta Veronica Domingo –gozogintzan-
arduratu ziren. Afalondoan Felipe Zelaieta, Serapio Lopez eta Xabi Lopez de
Santiago aritu ziren bertsotan. Beitto Martinezek idatzitako bertsoak
–“Gerraren oroitzapenek gordean diraute” denon artean abestu genituen. Azkenik,
kantuan aritu ginen Felipe Zelaietaren gitarraz eta Jose Luis Cantabranaren
txistuaz lagundurik. Hurrengo bertso-kantu afaria otsailaren 28an, ostirala,
egingo da".